Gjykata e Tiranës ka lënë në masën arrest me burg Ylli Zallën, I vënë në pranga ditën e hënë në Krujë pas rreth 9 muajsh në arrati. Zalla akuzohet për përfshirje në atentatin e Rinasit në nëntor të një viti më parë, ku mbeti i vrarë Gilmando Dani dhe Muçi Shaljani. 49-vjeçarit I janë gjetur tre herë në banesën e tij, arsenal armësh, lëndë plasëse dhe municion. Avokati I tij Dritan Gina, tha se klienti I tij, Ylli Zalla nuk përbën rrezikshmëri dhe se nuk është I përfshirë në asnjë ngjarje kriminale. Sipas tij, materialet e gjetura në pjesën e pasme të oborrit të banesës, nuk janë përdorur në ngjarje të tjera apo vetë 49-vjeçari nuk ka marrë veprime për shitje lëndësh narkotike. Sipas avokatit, ka qenë vetë klienti I tij, Ylli Zalla që është dorëzuar në momentin e operacionit të Policisë, pasi ka qenë dëshira e Zallës të sqaronte pozicionin e tij. Avokati thotë se armët dhe municionet e gjetura në pjesën e pasme të banesës, ishin të paambalazhuara dhe se Zalla nuk kishte ndërmarrë asnjë masë për ruajtjen e tyre. Për këto arsye, ai thotë se është jkërkuar një masë më e lehtë se arresti në burg, që është kërkuar nga Prokuroria.