Ish ministri i drejtësisë dhe kryetari i komisionit të ligjeve, Ulsi Manja shfaqi kritika të forta për sistemin e drejtësisë gjatë një interviste në Top Story, ku ftoi gjyqtarët që të largohen nga roli i noterit dhe të japin drejtësi, teksa i bëri thirrje organeve të qeverisjes së drejtësisë të rregullohen. Sinkron Manja: “Të largohen nga roli i noterit dhe të ngrihen në lartësinë që i ka ngarkuar kushtetuta. Për gjyqtarët duhet të ekzstojë vetëm një koncept prova. Nuk duhet të shohin kush është pala në salla. Ske prova, bjeri çekiçit të drejtësisë. Reforma në drejtësi që ndërmorrëm ne si mazhorancë ishte gjëja e duhur. Kjo nuk na pengon që ne sot t’i themi sistemit, e bëmë reformën në drejtësi, ju premtuam drejtësi në standardet e BE, por zgjodhuni se jemi ende larg kësaj drejtësi cilësore. Ne sot po jut hemi organeve të qeverisjes së drejtësisë, merrni përgjegjësitë që ju ngarkon kushtetuta. Rregullohuni.”