Gjykata e Beratit ka vendosur masën e sigurisë arrest me burg për 44-vjeçarin Vangjel Polovina, që akuzohet për "vrasje me paramendim". Polovina vrau me kallashnikov 3 ditë më parë në një lokal të fshatit Goraj 41-vjeçarin Ajet Guneli. Ai është parqitur në Gjykatën e Beratit nën masa të rrepta sigurie dhe seanca e masës së vlerësimit është zhvilluar me dyer të mbyllura. Prokurori i çështjes, Dritan Gripshi, i ka kërkuar gjykatës vlerësimim të ligjshëm të arrestimit të Polovinës dhe lënien e tij në "arrest me burg". Autori i vrasjes së Ajet Gunelit, është shprehur i penduar për atë që ka ndodhur. Por sipas tij krimi ka ndodhur në gjaknxehtësi e sipër, pas kërcënimeve me jetë dhe sharjave që i kishte bërë viktima. Kreu i trupit gjykues Durim Hasa, e ka cilësuar të ligjshëm arrestimin e Vangjes Polovinës dhe ka vendosur arrest me burg për të. 44-vjeçari tre ditë më parë vrau me 20 plumba kallashnikovi Ajet Guneli Ajdini në një lokal në fshatin Goraj në Kuçovë. Konflikti mes tyre kishte nisur disa ditë para vrasjes, për shkak të mossleyres nga polovina të qerasë së një objekti që funksiononte si stallë derrash. Autori i vrasjes pretendon se shuma e tw hollave që viktima pretendonte se nuk ishte shlyer, ia kishte konvertuar në sasi mishi dy ditë para krimit.