Policia e Elbasanit njoftoi arrestimin e 16 personave, nëntë prej të cilëve shtetas të huaj, të punësuar me role të ndryshme në dy kompani që ushtronin aktivitetin në sektorin e mbetjeve në zonën e Metalurgjikut, si dhe shpalli në kërkim tetë persona të tjerë, pronarë të këtyre kompanive. Në pranga ka përfunduar gjithashtu edhe shefi i sektorit të mjedisit në Bashkinë e Elbasanit, që akuzohet për shpërdorim detyre. Ndërkohë, tetë shqiptarët dhe nëntë të huajt nga India, Nepali dhe Koreja e Jugut akuzohen se kanë shpërfillur ligjet dhe rregulloret në fuqi për menaxhimin e mbetjeve, duke shkaktuar ndotje të rënda në mjedis. Policia thotë se tetë aksionerët e dy kompanive, dyshohen për ndotje të ajrit, ujërave dhe tokës, fshehje të të ardhurave, punësim në të zezë dhe pastrim të produkteve të veprës penale, të kryer në bashkëpunim.