33 vjeçari Ilir Xhepaj i njohur edhe me mbiemrin Lika është lënë nën masën e sigurimit personal arrest me burg nën akuzën e vrasjes në bashkëpunim. Gjykata bazuar në të dhënat e hetimit, por edhe shumë provave filmike u bind në vendimin e saj për ta lënë Xhepajn nën masën e sigurisë me burg, Ilir Xhepaj u arrestua mesnatën e së shtunës në Tiranë, pas disa ditë ndjekje që i ishte bërë nga policia, i konsideruar si autori i dytë i vrasjes së Bujar Likës dhe Paulin Gjergjit. 33 vjecari Xhepaj, ishte në kërkim edhe për një tjetër ngjarje, pasi vetëm 15 ditë përpara se ai të merrte pjesë në vrasjen e Bujar Likës dhe Paulin Gjergjit, kishte plagosur me armë në Laç, shtetasin Zef Marku. Për këtë ngjarje, Gjykata e Kurbinit ka dhënë masën e sigurisë arrest në burg, duke e ngarkuar me veprat penale, vrasje me dashje e mbetur në tentativë dhe armëmbatje pa leje. Ilir Xhepaj, do të përballet me drejtësinë edhe me një akuzë të tretë, vrasje me dashje e kryer në bashkëpunim. Në kërkim policor janë edhe dy persona të tjerë, bashkëpunëtorë në vrasjen e dyfishtë, Klaudio Pepkola dhe Oltion Vlashi.