Gjykata e Lartë rrëzoi rekursin e paraqitur nga ish shefi i policisë Elbasan Leonard Palushi, i cili dy vite më parë iu drejtua shkallës së tretë të gjyqsorit për të marrë pafajësi. Rekursi i Palushit erdhi pasi Apeli i Posaccëm në 23 shtator të vitit 2023 la në fuqi vendimin e dhënë nga GJKKO, duke e dënuar atë me 3 vite e 6 muaj burg për kryerjen e veprës penale të korrupsionit, dënim që zbriti në 2 vite e 4 muaj për shkak të gjykimit me procedurë të shkurtuar. Treshja penale e përbërë nga Ilir Panda, Medi Bici dhe Albana Boksi në dhomë këshillimi pasi mori në shqyrtim pretendimet e ish shefit të policisë, se nuk ka kryer korrupsion dhe se ka qenë zbatues i ligjit, vendosi të rrëzojë kërkesën e tij, duke lënë në fuqi vendimin e Apelit. Palushi u arrestua në kuadër të operacionit të SPAK të koduar Plumbi i Artë, pasi u faktua që ai kishte raporte të ngushta me bashkëpunëtorin e drejtësisë Erjon Alibej dhe se kishte marrë përfitime të parregulltat prej tij.