Forcat speciale të ukrainës raportohet se kanë kapur mercenarët rusë të vagnerit që luftojnë në Sudan, pasi Kievi tha se do ti gjente ata kudo ku janë. Pamje nga një marrje në pyetje sugjerojnë se ushtria private e kremlinit po punon për të mbjellë kaos në shtetin e shkatërruar nga lufta. Videoja e ndarë nga inteligjenca ushtarake ukrainase me Kyiv Post, tregon një të burgosur rus që merret në pyetje, bashkë me dy afrikanë. Një ukrainas i maskuar i pyet ata se cilës njësi i përkasin, dhe i burgosuri rus përgjigjet: PMC Wagner. Dy dokumente identifikimi i tregohen më pas kameras, bashkë me tre burrat, të gjithë të veshur me uniforma ushtarake, me duar të lidhura dhe sy të mbyllur. Të pyetur se si kanë shkuar në Sudan, rusi thotë se ata kishin hyrë nga republika e afrikës qendrore, ku Vagner ka një prani domethënëse, në kryeqytetin Khartum. Mercenari shpjegon se me një forcë prej rreth 100 burrash, misioni i tyre ishte rrëzimi i qeverisë lokale. Dy të burgosurit afrikanë, që me gjasë janë rekrutuar nga grupi Vagner, thanë se ishin paguar me nga 1 mijë dollarë për tu bërë pjesë. Vendi ku është realizuar videoja, dhe përmbajtja e saj, nuk janë verifikuar dot nga mediat në mënyrë të pavarur. Burime nga inteligjenca ushtarake e ukrainës kanë thënë ndërkohë se puna për shkatërrimin e mercenarëve rusë dhe partnerëve të tyre lokalë, terroristë, në sudan po vijon nga forcat speciale ukrainase. Burime ukrainase thanë për CNN në shtator, se ukraina ishte përgjegjëse për një seri sulmesh me dronë dhe operacionesh tokësore, afër Khartumit. Ndërkohë, muajt e fundit, kanë qarkulluar gjerësisht video që tregonin dronë ukrainas që shënjestronin mercenarë rusë dhe milici të mbështetura nga Vagneri. Kievi, ka pak gjasa të konfirmojë zyrtarisht dislokimin e trupave të tij në vende të huaja. Por, majin e kaluar, shefi i inteligjencës ushtarake ukrainase, Kirilo Budanov, premtoi se do të shkatërronte kriminelët rusë të luftës kudo në botë...