Fjala Luftë është bërë pjesë e fjalorit të përditshëm ashtu sic nuk ishte imagjinuar më herët. Luftë në Ukrainë, luftë me kinën, me korenë e veriut, me iranin etj. Ndërkohë, flitet herë pas here edhe për luftë shumë më pranë nesh..."A do bëjë Erdogani luftë?" Me këtë pyetje mediat greke kanë rritur aktualisht tensionin e publikut të vendit. Kjo pyetje shtrohet përditë në edicionet e lajmeve. Sipas mediave, kjo është një temë që ecën. Inskenimi dramatik i ngjalljes së frikës ndihmon edhe qeverinë greke, e cila e ka më të lehtë ta paralajmërojë vendin nga "rreziqet ndërkombëtare”, se sa të merret me temat e vështira të politikës së brendshme, si ajo e skandalit të madh të përgjimeve ose ajo e inflacionit në rritje. Pavarësisht nga teprimet mediatike dhe instrumentalizimi politik i temës, nuk ka asnjë dyshim se presidenti turk Recep Tayyip Erdogan flet ashpër... "He, grek! Hidhi një sy historisë. Po të vazhdosh kështu, çmimi që do të paguash do të jetë shumë i lartë", ka thënë ai pak kohë më parë...