Zyra e prokurorit publik në Milano ka hapur një hetim mbi pretendimet se shtetas italianë udhëtuan në Bosnje-Hercegovinë në atë qe a quajtën një "safari snajperësh" gjatë luftës në fillim të viteve 1990. Italianët dhe shtetas të tjerë dyshohet se kanë paguar shuma të mëdha parash për të qëlluar civilët në qytetin e rrethuar të Sarajevës. Padia në Milano u paraqit nga gazetari dhe romancieri Ezio Gavazzeni, i cili përshkruan një "gjueti njeriu" nga "njerëz shumë të pasur" me një pasion për armët që "paguanin për të qenë në gjendje të vrisnin civilë të pambrojtur" nga pozicionet serbe në kodrat përreth Sarajevës. Sipas disa raporteve, për vrasjen e burrave, grave ose fëmijëve aplikoheshin tarifa të ndryshme.