Teksa të burgosurit shqiptarë pritet të hynë në grevë urie në të gjitha institucionet e vuajtjes së dënimit në Greqi, me pretendimin se u shkelen të drejtat, një tjetër lajm qarkullon në mediet greke. Tre shtetas shqiptarë kishin krijuar grupin e tyre të gjobëvënies brenda burgut “Kreta 1” në Agia Hania. Pasi 3 shqiptarët janë pikasur nga organet e vuajtjes së dënimit dhe autoriteteve, menjëherë është urdhëruar një hetim në burg, i cili është kryer të shtunën në prani të Prokurorit. Lidhur me këtë mësohet se janë ushtruar kontrolle të njëkohshme në qelitë e Sektorit 2 të katit të parë të burgjeve në Hania. Në kuadër të hetimeve paraprake dhe me përfundimin e hetimeve, u konstatua se tre shtetasit shqiptarë detyronin të burgosurit e tjerë të toleronin akte, ndërkohë që u siguronin mallra dhe para. Në fakt, siç rezultoi nga hetimet paraprake, ata u kanë kërkuar tre të burgosurve të tjerë shuma deri në 1000 euro, duke i shantazhuar ata ose familjet e tyre. Gjithsesi, hetimet në prani të Prokurorit, sidomos së fundmi, janë intensifikuar, çka do të thotë se brenda burgjeve ka raste të ndryshme të rënda, çka bën të menjëhershme ndërhyrjen e autoriteteve.