Avokati i Erion Veliajt, Plarent Ndreca ka kundërshtuar vendimin e GJKKO, e cila e gjobiti këtë të martë me 50 mijë lekë për shkak të mungesës së tij në gjyqin ndaj kryebashkiakut. Në një reagim për mediat, Ndreca sqaron se e kishte njoftuar gjykatën duke kërkuar shtyrje, pasi në të njëjtën orë me procesin e Veliajt, ishte në një proces civil në gjykatën e Tiranës Trupi gjykues me kryesuese gjyqtaren Elsa Ulliri e paraqiti kërkesën e Ndrecës në seancën në ngarkim të Veliajt, por argumentoi se duhet të ishte njoftuar për këtë përplasje oraresh. Nga ana tjetër, Ndreca thotë se gjykata e vendosi datën pa pyetur mbrojtjen e të pandehurve. *Ndreca grafikë*: Seancën e kaluar gjykata vendosi datën dhe orën pa pyetur asnjë avokat. Nuk u interesua nëse mbrojtësit kishin angazhime të tjera, por sot gjobit një prej tyre sepse nuk e paska njoftuar për një konflikt oraresh, që ajo vetë nuk u interesua kurrë as ta pyeste, as ta verifikonte. ...Nëse dikush beson se me një gjobë, me disa gjoba, me procedime administrative apo edhe penale mund të më bëjë të hesht, gabon”.