SHBA ka drejtuar dy grupe sulmi me luftanije, avionë luftarakë dhe raketa në izrael ndërsa vendi po përgatit 360 mijë trupa për të pushtuar Gazën. Kjo vjen pasi kryeministri izraelit, benjamin netanjahu, premtoi se do ta shtypte dhe shkatërronte Hamasin, me mbështetjen e një kabineti të ri lufte. Ndërsa Hamasi nisi sulmet e frikshme mbi izrael të shtunën, SHBA drejtoi menjëherë luftanijet drejt rajonit. USS Gerald Ford, aeroplanmbajtësja më e madhe në botë, dhe luftanijet që e shoqërojnë atë, kanë mbërritur tashmë pranë brigjeve izraelite ndërsa USS Duajt Ajzenhauer, pritet të niset nga Virxhinia të premten. Forcat e operacioneve speciale po ashtu po ndihmojnë ushtrinë izraelite në planifikim dhe inteligjencë, ndërsa po përpiqen t’i japin fund terrorit të hamasit në vend. Luftanijet dhe avionët që po dislokohen do të vendosin një prani force në rajon që do të frikësojë Hezbollahun, Iranin apo të tjerë, që të përfitojnë nga situata në mesin e frikës se lindja e mesme mund të jetë në prag të një lufte të re. SHBA po ahstu po dërgon anije me municione dhe pajisje të tjera ushtarake, në izrael, në mënyrë që vendi të luftojë hamasin. Aeroplanmbajtësja Gerald Ford, sapo kishte përfunduar një stërvitje me marinën italiane kur ajo dhe ekuipazhi prej rreth 5 mijë marinarësh u urdhërua të lundronte menjëherë drejt mesdheut lindor. Ajo mund të lëshojë avionët e mbikqyrjes E2-Haëkeye, të njohur për radarët e tyre në formë disku me diametër më shumë se 7 metra. Aeroplanmbajtësja mban po ashtu edhe avionë luftarakë F-18 që mund të fluturojnë dhe qëllojnë shënjestra ndërkohë që ka edhe një spital në bord, me njës allë emergjencash dhe rreth 409 mjekë, kirurgë dhe infermierë.