Janë publikuar pamje më e qartë e momentit të atentatit të Klaudio Prendit, djalit të ish-gjyqtarit të GJKKO-së, Fran Prendi, në rrugën Xhanfize Keko në kryeqytet, pasi u fut në automjetin e tij. Sipas videos të kamerave të sigurisë, viktima pasi del nga lokali ishte nën shoqërinë e miqve të tij dhe futet në makinën tip G Class. Në atë moment, atentatorët i shkojnë paralel me makinë tip Audi duke e qëlluar disa herë me armë me silenciator dhe janë larguar nga vendngjarja. Shokët e viktimës, vrapuan ta ndihmojnë dhe e dërguan në spitalin e Traumës, por 28-vjeçari nuk arriti që të mbijetojë. Sipas dëshmisë së tyre, Klaudio Prendi ishte shfaqur I qetë dhe I pashqetësuar në ambientet e lokalit. Sipas pamjeve të siguruara, atentati ka ndodhur gjysëm ore pas mesnatës së 19 nëntorit (2024). Sipas hetimeve, dyshohet se në makkinën e atentatorëve kanë qenë tre persona, të cilët e kanë vëzhguar djalin e ish-gjyqtarit për orë me radhë. 28-vjeçari raportohet u qëllua me të paktën 5 plumba në trup, dy prej tyre në kokë dhe gjoks që ishin fatale. Pas vrasjes, autorët e kanë djegur automjetin tip ‘Audi’ në zonën e Farkës.