Ushtarët ukrainas që luftuan në rajonin Kursk të Rusisë i kanë përshkruar skenat "si një film horror" teksa tërhiqeshin nga vijat e frontit. BBC ka marrë rrëfime të shumta nga trupat ukrainase, të cilët tregojnë një tërheqje "katastrofike" përballë zjarrit të rëndë, kolonave të pajisjeve ushtarake të shkatërruara dhe sulmeve të vazhdueshme nga tufat e dronëve rusë. Lëvizja e njerëzve, logjistika dhe pajisjet ishin mbështetur në një rrugë kryesore midis Sudzhës dhe rajonit Sumy të Ukrainës. Ushtarët thonë se ishte e mundur të udhëtoje në atë rrugë relativisht të sigurt një muaj më parë por tani është nën kontrollin e dronëve. E ndërsa moska deklaroi se ka marrë qytetin Sudzha, më të madhin që ukraina kishte shtënë në dorë në Kursk, forcat ukrainase, sipas vetë ushtarëve, u shtypën nga tre anë. Por, përpjekjet për të mbajtur nën kontroll rrugën, dështuan. Trupat u urdhëruan që të linin linjat e mbrojtjes, në një tërheqje të organizuar ndërkohë që rusia kishte mbledhur forca të konsiderueshme për të rimarrë qytetin, përfshirë koreanoveriorët. Sipas ekspertëve në fakt, Rusia kishte grumbulluar një forcë deri në 70,000 trupa për të rimarrë Kurskun – duke përfshirë rreth 12,000 koreano-veriorë. Rusia kishte dërguar gjithashtu njësitë e saj më të mira të dronëve në front dhe kishte përdorur variante kamikaze të tyre për të "marrë kontrollin e rrugëve kryesore të logjistikës". Zyrtarët perëndimorë vlerësojnë se ofensiva e Ukrainës në Kursk përfshinte fillimisht rreth 12,000 trupa. Ata ishin disa nga ushtarët e tyre më të trajnuar, të pajisur me armë të furnizuara nga perëndimi, duke përfshirë tanke dhe automjete të blinduara. Më 13 mars, Rusia tha se situata në Kursk ishte "plotësisht nën kontrollin e saj" dhe se Ukraina kishte "braktisur" shumë nga pajisjet e saj. Gjenerali më i lartë i Ukrainës, Oleksandr Syrskyi, këmbëngul se forcat ukrainase janë tërhequr në "pozicione më të favorshme" por mbeten në Kursk dhe do ta bëjnë këtë "për aq kohë sa është e nevojshme dhe e nevojshme". Megjithatë, situata tani është shumë e ndryshme nga gushti i kaluar. Çdo shpresë se Ukraina do të jetë në gjendje të bëjë Pazar me territorin e Kurskut për disa nga tokat e saj, janë zvogëluar ndjeshëm.