Seanca plenare e kësaj të hëne ka nisur me tension thuajse që në fillimin e saj. Halit Valteri pas mbajtjes së fjalës në seancë ka dalë jashtë sallë dhe ka debatuar me socialistin Damian Gjiknuri. Mes tyre ka pasur debate të ashpra dhe konflikti duket se ka qenë i pashmangshëm. Nga pamjet e ofruara nga operatori i Top Channel, duket se mes tyre ka nisur një sqarim, por që debati ka qenë i fortë. Mësohet se biseda është acaruar së tepërmi dhe Valteri ka tentuar ta godasë Valterin jashtë ambienteve të Kuvendit. Punonjësit e shërbimit të Gardës kanë ndërhyrë për të ndarë dy deputetët për të shmangur një përleshje fizike. Nuk dihet saktësisht, se përse mes tyre ka nisur ky debat, edhe pse qëndrimet e tyre në lidhje me Kodin e ri zgjedhor janë deklaruar më herët, që kur nuk pati dakordësi në komisionin e ligjeve dhe këshillin politik.