Gjykata e Elbasanit ka rrëzuar kërkesën e ish-kryebashkiakut të Kukësit Safet Gjici për të zëvendësuar masën e sigurisë dhe për ta vuajtur pjesën e mbetur të dënimit në shtëpi për arsye shëndetësore. Bëhet me dije se Safet Gjici nuk ka qenë i pranishëm në seancë. Në përfundim të gjykimit, pasi janë dëgjuar të gjitha palët në seancë, gjyqtarja Suela Lika ka hedhur poshtë kërkesën e Gjicit. Ish kryebashkiaku pretendon të vuajë dënimin në shtëpi, për shkak të gjendjes së tij shëndetësore. Ai u dënua me dy vite burg më 7 shkurt të një vitit më parë, pas video-skandalit në zyrën e tij në bashkinë e Kukësit, nga GJKKO. Safet Gjici u shpall fajtor për akuzën e shpërdorimit të detyrës. Ndërsa krahas dënimit me burg, atij i është hequr e drejta për të ushtruar funksione publike për një periudhë prej 5 vitesh.