Kancelari gjerman Fredrich Merz tha të mërkurën se qeveria e tij do të punojë që ta bëjë ushtrinë e Gjermanisë, "ushtrinë më të fortë konvencionale në Evropë" në një kohë të pasigurive gjeopolitike në rritje. Në fjalimin e tij të parë të madh parlamentar që nga inaugurimi javën e kaluar, Merz tha se qeveria e tij do të "sigurojë të gjitha mjetet financiare të nevojshme" për të ringritur ushtrinë gjermane të keq-financuar prej kohësh. Qeveria e tij tashmë ka hapur rrugën për qindra miliarda euro në fonde shtesë duke miratuar një plan fiskal nga parlamenti i kaluar. "Forcimi i Bundesverit është përparësia jonë kryesore," tha Merz. "Qeveria gjermane do të sigurojë të gjitha burimet financiare që i duhen Bundesëehr-it për t'u bërë ushtria më e fortë konvencionale e Evropës. "Kjo është ajo që duhet për vendin më të populluar dhe ekonomikisht më të fuqishëm të Evropës. Miqtë dhe partnerët tanë gjithashtu e presin këtë nga ne. Në të vërtetë, ata praktikisht e kërkojnë atë," tha Merz.