Ukrainasit që jetojnë në Gjermani nuk do të preken nga telashet e Ukrainës për grumbullimin e ushtarëve për të parandaluar pushtimin rus, tha ministri gjerman i Drejtësisë, Marco Buschmann, të premten. “Ne nuk do t’i detyrojmë njerëzit të kryejnë shërbime të detyrueshme ushtarake, apo shërbime ushtarake kundër vullnetit të tyre”, tha Boschmann. Ushtria ukrainase do të thërrasë 450.000 deri në 500.000 burra për të luftuar kundër Rusisë. Ministria e Mbrojtjes e Ukrainës është duke u bërë thirrje të gjithë ukrainasve që jetojnë jashtë vendit të kthehen dhe të mbrojnë atdheun. Duke folur të enjten në një konferencë për shtyp në Kiev, presidenti i Ukrainës, Volodymyr Zelensky, tha se komandantët e tij po kërkojnë “450.000 – 500.000 trupa”, duke e pranuar se kjo çështje është “e ndejshme” dhe e kushtueshme. Komentet e tij vijnë në një kohë kur duket se po rrezikohet ndihma e Shteteve të Bashkuara dhe Bashkimit Evropian për Ukrainën. Republikanët në Kongresin amerikan e kanë bllokuar fillimisht një paketë ndihme në vlerë të 60 miliardë dollarëve për Ukrainën. Këtë javë, përfaqësuesit e Shtëpisë së Bardhë dhe Departamentit amerikan të Shtetit, kanë thënë se planifikojnë të dërgojnë më shumë pako të ndihmës për Ukrainën, mirëpo kanë pak kapacitet për të çuar diçka përpara, në mungesë të gatishmërisë së Kongresit. Bllokada në SHBA u pasua nga një bllokadë që Hungaria i ka vendosur BE-së për një ndihmë në vlerë 50 miliardë euro për Ukrainën. Megjithatë, liderët e BE-së kanë thënë se Ukraina nuk do të mbetet pa mbështetje. Ukraina po përballet me mungesë municioni ndërkohë që kundërofensiva e Kievit nuk ka arritur rezultatet e kërkuara gjatë verës.