Gjermania është zgjedhur si qendra logjistike e manovrës më të madhe në historinë e NATO-s për disa arsye. Fillimisht për shkak të vendndodhjes së saj gjeografike, në zemër të Evropës. Më tej për infrastrukturën ushtarake që ka që prej luftës së ftohtë. Në gjashtë aeroporte ushtarake gjermane do të stacionohen për një periudhë kohe mbi 240 avionë nga 25 shtete. Mbi 10.000 ushtarë të NATO-s do të marrin pjesë në manovër. Veç shteteve të Natos, merr pjesë edhe Suedia dhe si vëzhguese Japonia.