Emisari gjerman për Ballkanin Perëndimor, Manuel Sarrazin, ka deklaruar se Gjermania do të ndërmarrë veprime për të bindur palën tjetër në lidhje me vendimin e Kosovës për heqjn e regjimit të vizave për qytetarët e Bosnje-Hercegovinës. Sarrazin tha se Berlini zyrtar që nga nëntori i vitit 2022 ka bërë presion dhe ka bërë përpjekje për të bindur Republika Srpskan e Millorad Dodik që të heqë bllokadën për të mundësuar zbatimin e marrëveshjes për lëvizje të lirë në mes të Bosnjës dhe Kosovës. Diplomati tha më tej se Gjermania do të angazhohet për këtë çështje dhe se e ka bërë të qartë që heqja e bllokadës nga Dodik është diçka shumë e rëndësishme. Sarrazin tha se nuk do të paguante asgjë ndaj Dodik, në këmbim të heqjes së vetos kombëtare dhe mundësimit të heqjes së regjimit të vizave për shtetasit e Republikës së Kosovës.