Top News – Gjermania po plaket, shumë pak të rinj/ Nuk po lindin më fëmijë, e ardhme e zymtë përpara

Asnjëherë nuk ka pasur kaq pak të rinj të moshës 15 deri në 24 vjeç në Gjermani sa sot. Brezi i kësaj grupmoshe përbën vetëm dhjetë përqind të popullsisë, ndërsa në vitin 1983 kuota ka qenë 16.7 përqind. Sic njofton Enti Federal i Statistikave, në fund të vitit 2021 vetëm një në dhjetë vetë në Gjermani ishte në moshën nga 15 deri në 24 vjeç. Përpara 40 vjetësh raporti ka qenë një në gjashtë vetë. Në këtë mënyrë numri i të rinjve të kësaj grupmoshe si në shifra absolute ashtu edhe në kuotë është më i ulët se asnjëherë më parë që nga vitet 1950.