Kancelari Friedrich Merz pranoi se Gjermania ka 'jetuar përtej mundësive të saj për vite me radhë', ndërsa ekspertët paralajmërojnë se vendi mund të përballet me rrënim nëse nuk kryhen reforma ekonomike. Udhëheqësi konservator gjerman ka shkaktuar trazira kohët e fundit pasi deklaroi se vendi nuk mund të përballonte më koston e sistemit, e cila është rritur në më shumë se 31 përqind të PBB-së - një nga nivelet më të larta në Evropë. Merz paralajmëroi gjithashtu për 'një ndryshim të thellë epokal' dhe nevojën për masa shtrënguese 'të dhimbshme' për të garantuar që gjermanët e rinj të kenë një perspektivë të ardhshme. Këshilltari ekonomik Marcel Fratzscher, i cili gjithashtu drejton Institutin Gjerman për Kërkime Ekonomike, tha se qeveria duhet të përballet me një faturë pensionesh prej 400 miliardë eurosh në vit, faturë kjo që pritet të rritet në 10 vitet e ardhshme. Komentet e tij vijnë pasi ministria e ekonomisë javën e kaluar tha në një raport se sistemi gjerman i pensioneve ishte "jofunksional" dhe një kërcënim "i rëndë" për ekonominë, dhe parashikoi se deri në mesin e dekadës së ardhshme do të ketë një pensionist për çdo dy persona në moshë pune. Kjo sipas ministrisë së eknomisë tregonte një nevojë urgjente për reformë për të siguruar që gjermania mund të vazhdojë të paguajë pensionet e saj. Më herët këtë vit u zbulua se ekonomia e gjermanisë ishte tkurrur për të dytin vit radhazi në 2024.