Koalicioni qeveritar në Gjermani me SPD-Të-Gjelbrit- FDP tani i përket historisë. Ky koalicion u shpërbë të mërkurën, shkruan DË, për shkak të mosmarrëveshjes për politikën e duhur ekonomike për ta rigjallëruar ekonominë gjermane. Kancelari Olaf Shcolz paraqiti në mbledhjen e Komisonit të mërkurën një dokument me vendime ku kërkonte që të pranohej se Gjermania po përjeton një situatë emergjente dhe duhet të marrë borxh që pritjej të shtohej për ndihmën në Ukrainë. Dokumenti sipas DË, erdhi si një kundërpërgjigje e ministrit të Fianncave Christian Lindner që kishte paraqitur një kërkesë për shkurtime masive shpenzimesh dhe ulje taksash. Propozimet e Scholz nuk u pranuan Linderi që kërkoi zgjedhje të parakohshme në janar dhe që më pas solli shkarkimin e tij. Zgjedhjet e parakohshme nuk janë të pazakonta në vende të tjera evropiane. Por Gjermania ka qenë gjithë këto vite simbol i stabilitetit politik. Presidenti Steinmeier kujtoi se në 75 vjet Republikë Federale të Gjermanisë janë shumë të pakta rastet, kur një qeveri gjermane e ka humbur shumicën parlamentare ende pa mbaruar legjislatura. Krizat në botë, lufta në Ukrainë, inflacioni, çmimi i lartë i energjisë e shtuan presionin mbi fondet në Gjermani. Edhe mbi fondet që mund të ndaheshin nga qeveria Scholz. Fondet në dispozicion për klientelat e ndryshme të secilës parti nuk mjaftuan më për të mbuluar dallimet ideologjike. Kjo i rëndoi ndarjet ideologjike. Socialdemokratët e Të Gjelbrit flasin për kohë të jashtëzakonshme dhe kërkojnë më shumë borxhe. Aq më tepër kur Gjermania është një shtet me borxhin më të ulët në Evropë: 63,7% (2023). Ndërsa liberalët e FDP-së duan që shteti të shpenzojë vetëm aq para sa merr nga taksat: siç e kërkon frena kushtetuese e Gjermanisë.