Berlini zyrtar ka marrë frymë I lehtësuar pas vendimit të presidentit amerikan, Joe Biden për të ndaluar zyrtarisht tërheqjen e parashikuar të trupave amerikane nga Gjermania me argumentin se stacionimi I tyre është në interesin e përbashket të të dy vendeve.Vitin e kaluar, ish presidenti , Donald Trump njoftoi se do të tërhiqte rreth 9,500 trupa amerikane nga 34,500 që janë gjithsej në Gjermani, edhe pse kjo nuk u zbatua asnjëherë. Një ditë më parë, Biden e bvri të qartë se plani për tërheqjen e trupave do të bllokohet teksa Sekretari amerikan i Mbrojtjes, Lloyd Austin është duke rishikuar praninë e trupave amerikane në mbarë botën.“Qeveria gjermane e mirëpret këtë njoftim”, u shpreh Steffen Seibert, zëdhënës i kancelares gjermane, Angela Merkel. Ai tha se “do të vazhdojmë të jemi në kontakt me administratën e re amerikane për të parë planet e saj të mëtejshme”.“Ne gjithmonë kemi qenë të bindur se stacionimi i trupave amerikane këtu në Gjermani i shërben sigurisë evropiane dhe trans-atlantike dhe prandaj është në interesin tonë të përbashkët”, tha Seibert.I pyetur nëse Gjermania do të bëjë ndonjë ofertë konkrete për të bindur SHBA-në që të mos i tërheqë trupat, Seibert tha se Berlini do të ndjekë zhvillimet, por “se si këto rishikime do të shkojnë është çështje e brendshme e SHBA-së”.SHBA-ja ka disa ndërtesa ushtarake në Gjermani, përfshirë edhe Bazën Ajrore Ramstein.