Në prag të samitit të NATO-s, në Vilnius të Lituanisë, qarqe qeveritare nga Gjermania sërish kanë theksuar rëndësinë e shtensionimit në Ballkan për situatën gjeopolitike në Evropë. Gjatë një takimi me gazetarë në Berlin, një zyrtar i lartë i qeverisë gjermane i tha DË se Prishtina dhe Beogradi duhet t'i kthehen tryezës së bisedimeve: "Fokusi ynë është që të dy palët të zbatojnë atë që kanë premtuar, veçanërisht në Beograd, por edhe në Kosovë”, tha zyrtari duke pasur parsysh planin franko-gjerman dhe darkodimin për të në shkurt dhe mars të ketij viti. "Hapi tjetër është që të dyja palët të jenë të pranishme në bisedimet e udhëhequra nga BE dhe me pas të negociojnë në mënyrë konstruktive për Asociacionin e Komunave të Kosovës së Veriut". Për sa i takon paralajmërimit të mëparshëm, të bërë nga kryeministri i Shqipërisë, Edi Rama, se nëse Kosova vijon të vetëizolohet, duke mos përmbushur kërkesat e BE-së, mund të krijohet një "republikë e KFOR-it”, zyrtari tha "se këto vizione të kryeministrit të Shqipërisë janë shumë të largëta”.