Ukraina do të jetë në gjendje të bëhet pjesë e Bashkimit Evropian kur të përmbushë kriteret e pranimit, tha kancelari gjerman Olaf Scholz në një intervistë për gazetën italiane Corriere della Sera. Scholz tha se Ukraina është tashmë pjesë e familjes evropiane dhe Berlini synon të mbështesë Kievin në procesin e anëtarësimit në BE. Pranimi në BE mund të bëhet vetëm pasi të plotësohen të gjitha kriteret, tha kancelari. Scholz shtoi se, nga ana e tij, Bashkimi Evropian gjithashtu duhet të përmbushë një sërë detyrash në mënyrë që të jetë në gjendje të pranojë anëtarë të rinj. Kancelari gjermane tha se po diskuton me politikanët dhe aleatët ukrainas çështjet e së ardhmes së Ukrainës pas përfundimit të konfliktit të armatosur. Një nga temat është garantimi i sigurisë së vendit. Presidenti i Ukrainës, Volodymyr Zelensky paraqiti aplikimin për anëtarësim në BE pesë ditë pasi Rusia pushtoi vendin e tij në shkurt 2022. Kërkesa e tij është që vendi të bashkohet menjëherë me bllokun, por në fakt ky proces mund të zgjasë me vite. Anëtarësimi në BE do të sillte përfitime financiare për vendin, por sipas ekspertëve, motivi kryesor i Ukrainës për anëtarësim nuk është ekonomik.