Kryetari i Komitetit për Çështjet e Jashtme të Parlamentit të Gjermanisë, Michael Roth, iu bashkua reagimeve për sulmin me eksploziv në kanalin e ujit Ibër-Lepenc në Kosovë. ai e quajti një akt terrorist ndërsa theksoi se metoda ishte e njëjtë me atë të stilit rus. Ai paralajmëroi Serbinë se nëse fshihet pas kësaj ngjarje atëherë kjo gjë do të sillte fundin e negociatave me Bashkimin Europian. “Këto janë metoda terroriste ruse kundër një shteti sovran në zemër të Europës. Këto sulme duhet të hetohen në thellësi. Nëse Serbia vërtet është pas kësaj, gjë që shpresoj të mos jetë, kjo do të shënonte fundin e negociatave të BE-së me Serbinë”, shkroi deputeti gjerman në një postim në platformën X. qeveria e Kosovës tha se pas rastit dyshohet se fshihet Serbia ndërsa kjo e fundit mohoi akuzat duke akuzar kryeministrin Albin Kurti.