Gjermania po harton një ligj të ri për shërbimin ushtarak. Sipas DË, përveç dispozitave për paga më të mira dhe detyrimit për t'u ofruar akomodim më të rehatshëm ushtarëve, prjektligji i ri përmban edhe një dispozitë mbi shërbimin ushtarak. ministri gjerman i Mbrojtjes Boris Pistorius (SPD), tha se kjo pjesë duhet të aktivizohet vetëm nëse nuk ka mjaftueshëm vullnetarë. Marrëveshja e mbështetur edhe nga CDU, CSU, thotë se "do të krijohet një shërbim i ri ushtarak, i cili fillimisht do të jetë vullnetar". Ligji që po hartohet, tha ministri parashikon ende një mundësi tjetër, detyrimin e shërbimit. Bundesëehri, shpjegon Pistorius, ka nevojë për rreth 60.000 ushtarë aktivë shtesë. ‘Është nevoja për të tërhequr të rinjtë - nga shoferët deri te personat me diploma universitare që duan të kalojnë pak më gjatë kohë në uniformë’, tha ministri. Qëllimi afatgjatë është të ndërtohet një forcë rezervë prej 200.000 rezervistësh. Nëse nuk ka vullnetarë të mjaftueshëm do të mund të futej edhe rekrutimi ushtarak.