Rreth 10 milionë ukrainas do ta braktisnin vendin në rast të shpërbërjes së mundshme të Ukrainës dhe shumica e refugjatëve do të vinin në Europë. Gjermania do të ishte një destinacion kryesor. Kjo është një prognozë e qeverisë gjermane, sipas gazetës "Ëelt am Sonntag", e cila i referohet si qarqeve gjermane të sigurisë, ashtu edhe disa parlamentarëve. Por Ministria e Punëve të Brendshme në Berlin dhe Policia Federale të pyetur për këtë janë përgjigjur, se nuk duan të japin parashikime për zhvillimet e migracionit. Shumë politikanë në Gjermani e shohin sot evropën më shumë se kurrë para përgjegjësisë për Ukrainën. Vendet mbështetëse të Ukrainës duhet të rrisin ndjeshëm ndihmën ushtarake për Ukrainën sidomos para hezitimit amerikan. Politikani i CDU, Roderich Kieseëetter, thotë për Velt am Sontag: "Nëse ne nuk e ndryshojmë strategjinë tonë të mbështetjes për Ukrainën, skenari "ëorst case i një eksodi masiv nga Ukraina dhe një zgjerim i luftës drejt vendeve të tjera të NATO-s bëhet më realist. Atëherë 10 milionë refugjatë janë supozimi më i vogël". Edhe studiuesi i migracionit, Gerald Knaus e ndan këtë qëndrim. "Nëse Ukraina e humbet luftën, mundet që të vijnë në BE më shumë se 10 milionë refugjatë. Që tani kjo është lëvizja më e madhe e refugjatëve në Europë që nga vitet 1940-të." Kurse Michael Roth (SPD), kryetar i Komisionit të Jashtëm të Bundestagut paralajmëron, se mbështetja e deritanishme nuk do të mund të mjaftonte. Nëse SHBA edhe më tej nuk do të përkrahë Ukrainën, duhet që Europa të rrisë mbështetjen.