Gjermania e Franca po përgatiten që të bllokojnë Kosovën për tu anëtarësuar në organizatën e Këshillit të Europës, është ky alarmi që është ngritur nga Gerald Knaus I iniciativës Europiane për Stablitet. Në një postim në rrjetet sociale ai tha se një grup shtetesh po punojnë për të vepruar kundër Prishtinës zyrtare. “Aktualisht, disa qeveri të shteteve anëtare të Këshillit të Evropës, përfshirë atë të Gjermanisë dhe Francës, po përgatiten ta bllokojnë një votim në maj për pranimin e Kosovës, duke injoruar rekomandimin e Asamblesë Parlamentare të dhënë në prill”, shkroi Knaus. Bllokimi sipas tij po vjen pas fushatës të ndërmarrë nga Vuçiç I cili ka dalë kundër anëtarësimit të Kosovës në KIE. Më 16 prill, Asambleja Parlamentare votoi në favor të raportit që rekomandon anëtarësimin e Kosovës në KiE. Çështja tani është në duart e ministrave të Jashtëm të Këshillit të Evropës, të cilët duhet të vendosin përfundimisht nëse Kosova do të bëhet anëtarja më e re e organizatës.Takimi i radhës i Këshillit të Ministrave do të zhvillohet në mesin e muajit maj.