Bundesëehri, Forcat e Armatosura Gjermane pritet të kenë 460.000 vetë si personel deri në vitin 2035 nga të cilët, 200.000 do të jenë rezervistë. Ministri i Mbrojtjes, Boris Pistorius, tha se "një demokraci moderne duhet të jetë në gjendje të mbrojë lirinë e saj”. Pistorius tha se një forcë rezervë që mund të mobilizohet shpejt, është mirë e trajnuar dhe ka lidhje të ngushta me trupat aktive. Sipas projektligjit, stërvitjet do të jenë të detyrueshme, që do të thotë që kompanitë përgjithësisht duhet të pranojnë që punonjësit e tyre të mobilizohen. Rezervistët mund të thirren për stërvitje me kohëzgjatje të ndryshme, në varësi të kohëzgjatjes së shërbimit të tyre aktiv. Që nga momenti kur projektligji u bë publik në maj, është kritikuar shumë nga qarqet e biznesit. Dhoma Gjermane e Tregtisë dhe Industrisë, u shpreh se heqja e 'shërbimit rezervë vullnetar të dyfishtë' është një gabim. Projektligji që synon forcimin e rezervave është miratuar nga Kabineti qeveritar në Berlin. Pas pushimeve verore, pritet që Bundestagu t'i shqyrtojë këto propozime.