Kur Ali Fakhro shtron një varg çokollatash të mbushura me fëstëkë, në mëngjes, në furrën e tij në Berlin, ai e di se ato do të zhduken brenda pak orësh. I frymëzuar nga suksesi viral i delikatesës krokante të njohur si "çokollata e Dubait", Fakhro, 32 vjeç, gjeti një recetë dhe filloi të bënte versionin e tij dy muaj më parë. "Ditën e parë bëra 20 copë, por ato u zhdukën shpejt nga raftet shpejt. Të nesërmen, bëra 50, të gjitha u shitën po ashtu", thotë ai. E ashtuquajtura çokollatë Dubai u shpik në vitin 2021 nga sipërmarrësja britaniko-egjiptiane Sarah Hamouda, me qendër në Dubai. Ëmbëlsira e trashë përbëhet nga një copë çokollatë e zbukuruar me dorë, me mbushje të ndryshme të çuditshme, ndërsa shija e veçantë vjen nga kremi me fëstëk. Cokollata u bë virale kur influencerja e ushqimit në TikTok, Maria Vehera postoi një video të saj duke ngrënë një të tillë në makinën e saj, e që atëherë postimi është parë më shumë se 100 milionë herë. Cokollata origjinale është në dispozicion vetëm të klientëve vendas, në sasi të kufizuara, por trendi ka çuar në një shpërthim të versioneve të kopjuara të çokollatës në mbarë botën.