Qeveria gjermane pritet të miratojë një ashpërsim të mëtejshëm të ligjit të migrimit këtë javë. Sipas DË, projekti për zgjerimin e listës së vendeve të sigurta të origjinës, synohej prej kohësh. Ky projekligj, u kursen autoriteteve një analizim të plotë dhe u lejon atyre të refuzojnë më lehtë dhe shpejt kërkesat për azil. Në marrëveshjen e koalicionit, CDU, CSU dhe SPD premtojnë të zgjerojnë listën e vendeve të sigurta të origjinës. Ata përmendin, Algjerinë, Indinë, Marokun dhe Tunizinë. Ndryshe nga një ligj formal, këto rregullore nuk duhet të debatohen domosdoshmërisht dhe të miratohen në Bundestag ose Bundesrat. Sipas këtyre, një shtet konsiderohet i sigurt nëse, për shembull, situata atje nuk përbën trajtim çnjerëzor të refugjatëve. Shumica e azilkërkuesve në Gjermani në muajt e parë të vitit 2025 erdhën kryesisht nga Siria dhe Afganistani - vende të cilat vështirë se mund të konsiderohen "të sigurta". Sipas Direktivës së BE-së të vitit 2013 "Mbi Procedurat e Përbashkëta për Dhënien dhe Tërheqjen e Mbrojtjes Ndërkombëtare", shtetet anëtare kanë të drejtë të përcaktojnë vetë, përmes dispozitave ligjore ose rregullatore, se cilat vende konsiderohen të sigurta.