Krerët e landeve gjermane duan më shumë para nga qeveria federale që të përballojnë kostot e mbështetjes së azilkërkuesve, por ministrja e Punëve të Brendshme Faeser i sheh kërkesat me sy kritik. Para një samiti të posacëm që do të mbahet të mërkurën, kryeministrat e landeve gjermane kanë rritur presionin ndaj qeverisë. Kreu i landit të Hesenit, Boris Rhein kërkon më shumë para nga federata për qytetet, komunat dhe qarqet. "Qeveria federale duhet të paktën dyfishojë mbështetjen e saj prej 2,75 miliardë eurosh", tha politikani i CDU-së. Përndryshe nuk mund të financohet akomodimi dhe integrimi i refugjatëve. Rhein kërkon një marrëveshje në samit, sipas së cilës ndihma e federatës duhet të orientohet tek shifrat e refugjatëve. Sipas një dokumenti paraprak para takimit të së mërkurës, landet nuk do të marrin më fonde ekstra për refugjatët. Ndërkohë , edhe nga kryeministrat e landeve nga partitë qeverisëse kanë ardhur kritika.