Gjermanët që refuzojnë të karantinohen pasi rezultojnë pozitiv ndaj Covid do të mbahen në qendrat e paraburgimit sipas rregullave të reja. Ky rregull I fortë do të aplikohet në disa prej landeve, pasi autoritetet rajonale kërkojnë që të ashpërsojnë masat. Landi I Saksonisë ka konfirmuar planet për të ndërtuar një kamp refugjatësh i cili do të shërbejë si vend izolimi. Drejtuesit rajonalë pretendojnë se struktura do të përdoret vetëm për njerëzit që kanë shkelur vazhdimisht rregullat e mbylljes rreth vetë-izolimit. Baden-Ëürttemberg në Gjermaninë jug-perëndimore do të përdorë dy dhoma spitali për të ndaluar shkelësit e tjerë, të cilët do të ruhen nga policia. Sipas DailyMail, në Brandenburg, autoritetet do të përdorin një pjesë të një qendre refugjatësh, ndërsa Schlesëig-Holstein do të përdorë një zonë brenda një qendre ndalimi për të mitur. Ekspertët ligjorë shprehen se qeveritë e landeve kanë kompetenca për të ndaluar njerëzit për shkeljen e rregullave të karantinës sipas Aktit të Mbrojtjes së Sëmundjeve, i miratuar nga Bundestagu Gjerman Marsin e kaluar dhe rinovuar në Nëntor. Autoritetet gjermane janë vënë nën kritika për menaxhimin e tyre të pandemisë, me propozime për të imponuar mandatet kombëtare të vaksinave në një përpjekje për të kontrolluar virusin.