Megjithë pandeminë dhe luftën shumica e europianëve vazhdojnë të jenë të kënaqur në jetën e tyre. Vetëm në Gjermani dhe Bullgari gjen njerëzit më të pakënaqur të Europës, sipas statistikës së Eurostatit. Ajri i pastër i malit apo strudeli me mollë, ndoshta edhe ndikojnë që austriakët të jenë më të kënaqur se popullsitë e tjera në vendet e BE. Të paktën kjo rezulton nga statistikat e Eurostatit. Zyra e Statistikave të BE mbledh të dhëna nga të gjitha fushat e jetës me rëndësi për politikën europiane. Krahas kësaj ky autoritet kryen rregullisht sondazhe në të gjitha vendet e BE dhe vende të tjera europiane. Vlerësimi i publikuar së fundmi bazohet në një sondazh të vitit 2022, në të cilin qytetarët në Europë janë lutur të përgjigjen se sa të kënaqur janë me jetën e tyre nga. Përgjigja e austriakëve shkonte mesatarisht në 7.9. Edhe pse në kohë krizash të një pasnjëshme, pyetësorët tregojnë se europianët janë në masë të madhe të kënaqur. Mesatarja e BE qëndron në 7,1. Në anketim janë marrë parasysh marrëdhëniet socio-ekonomike si edhe të dhëna që lidhen me kushtet materiale, si të ardhurat, kushtet e banimit, shëndeti, arsimi dhe siguria. Por edhe cilësia e kohës së lirë, aktivitetet me të tjerët dhe uniteti social luajnë rol në analizën e Eurostat.