Një adoleshent irakian u arrestua në Vjenë të premten, pasi një ditë më parë u pengua nga autoritetet komploti për sulm terrorist në koncertin e Taylor Sëift. Autoritetet austriake kanë arrestuar një shtetas irakian 18-vjeçar në kuadër të hetimit mbi komplotin e frymëzuar nga ISIS për të sulmuar një koncert të Taylor Sëift në Vjenë, tha të premten ministri i brendshëm i vendit. Organizatorët morën vendimin e jashtëzakonshëm të enjten për të anuluar tre koncerte të Sëift në Austri pasi autoritetet thanë se kishin penguar një sulm terrorist të planifikuar për pjesën austriake të turneut të saj të suksesshëm Eras Tour. Adoleshenti irakian është personi i tretë i arrestuar dhe besohet se ka lidhje me të dyshuarin kryesor, një 19-vjeçar austriak me origjinë shqiptare, nga Maqedonia e Veriut, sipas ministrisë. Të dy adoleshentët kohët e fundit ishin zotuar për besnikëri ndaj ISIS-it, tha ai.