Alexey Navalny,kritiku i Kremlinit ka mbetur pa kujdes mjekësor, pasi mjekët thanë se nuk u lejuan ta vizitonin atë, pavarësisht njoftimeve se ai është i sëmurë rëndë nga një grevë urie e vazhdueshme. "Është një mungesë respekti dhe një tallje me mjekët", tha mjekja e tij personale Dr. Anastasia Vasilyeva, në një postim në Tëitter, duke vënë në dukje se "jeta dhe shëndeti i Navalnit janë qartësisht në rrezik". Sipas saj, ajo dhe 3 ekspertë të tjerë mjekësorë, u përpoqën të fyten në një klinikë burgu, për ta vizitruar Navalnyn, por atyre iu ndalua hyrja. Ata shtuan se pritën për orë të tëra jashtë burgut. Shërbimi rus i burgjeve tha se gjendja e Navalnit ishte "e kënaqshme", por një raport tjetër nga mjeku i tij i burgut, tha se Navalny vuante nga nivele të larta të kaliumit, i cili mund të shkaktojë një sulm në zemër, dhe një funksionim të dobët të veshkave. 44 vjecari, Alexei Navalny u dënua me dy vite e gjysmë burg në shkurt të këtij viti për evazion fiskal dhe po mbahej në një burg në Pokrov, të cilin ai e përshkroi si "një kamp i vërtetë përqendrimi". Ai filloi grevën e urisë në fund të Marsit për të protestuar ndaj asaj që ai tha se ishte mungesë e kujdesit mjekësor për dhimbjet e forta të shpinës dhe këmbëve, ndrësa më parë u raportua se i ka mbijetuar një helmimi gati fatal. Shtetet e Bashkuara dhe vendet e tjera kanë vendosur sanksione ndaj zyrtarëve të Kremlinit lidhur me helmimin dhe shumë prej tyre po kërkojnë lirimin e Navalnit. Ndrësa Aleatët e Navalnit kanë bërë thirrje për protesta mbarëkombëtare.