Policia në Ferrara të Italisë, po punon për të rindërtuar orët e fundit të një fëmije një vjeçar, që u gjet i pajetë në dhomën e tij të gjumit mëngjesin e së enjtes, nga karabinierët që kishin marrë një telefonatë nga nëna e fëmijës. Rreth orës 6 të mëngjesit karabinierët mbërritën në shtëpinë e gruas 30 vjeçare, nënë edhe e dy fëmijëve të tjerë 5 dhe 9 vjeç, dhe e gjetën atë në panik dhe me plagë në kyçet e duarve. Ajo i sulmoi policët kur hynë brenda. Në dhomën e gjumit ishte fëmija i pajetë. Ideja që fëmija nuk ka vdekur për shkaqe natyrore po bëhet gjithnjë e më e besueshme. Një fqinjë tha se kishte dëgjuar disa përplasje rreth orës 5 të mëngjesit. "Ashtu përgjumësh, mendova: kush vallë po pret dru në këtë orë?! Ne u takuam dje dhe u përshëndetëm, ajo tha se kishte dy javë që s’flinte, sepse foshnjës po i dilnin dhëmbët...ishte e shqetësuar, e çoroditur." tha ajo. Fqinja tha gjithashtu se dy vjet më parë, gruaja kishte goditur partnerin e saj me thikë. Tani dy fëmijët e tjerë të gruas, e cila u dwrgua në repartin e psikiatrisë në Cona, i janë besuar gjyshes së saj. Ndërkohë, policia e Ferraras po vazhdon hetimet.