Zëvendëskryeministri i Malit të Zi për politikat ekonomike, Nik Gjeloshaja ka dhënë një intervistë për median malazeze, ku ndër të tjera ka theksuar edhe ato që ai i quan vijat e kuqe dhe që duhen respektuar nga koalicioni qeverisës. Një ndër to është padyshim çështja e Kosovës, teksa Gjeloshaj ka theksuar se nuk do të pranojë tërheqjen e pavarësisë, ashtu siç u shpreh se mbështet vetëm një koalicion që ndjek kurs europian qeverisës. “Ka disa ‘vija të kuqe’ që s’do t’i kalonim. Kryesisht, këto janë ‘vijat’ që do të binin ndesh me angazhimet e partisë sonë dhe para së gjithash do të rrezikonin: parimet kyçe demokratike, kursin properëndimor të shtetit, anëtarësimin në BE, harmonizimin e plotë të politikës së jashtme dhe të sigurisë së Malit të Zi me politikat e BE-së dhe NATO-s dhe natyrisht çështja e pavarësisë së Kosovës. E kemi theksuar se nuk do të ketë bisedime edhe iniciativa për tërheqjen e njohjes së Kosovës. Jam i bindur se për shumicën e skenës politike në Malin e Zi, kjo çështje është e zgjidhur tashmë”, tha Gjeloshaj. Partia Forumi Shqiptar, e kryesuar nga Gjeloshaj, u bë pjesë e një koalicioni që gjerë qeverisës në Malin e Zi. Vlen të theksohet se në koalicion ka edhe shumë parti proserbe dhe proruse, çka e bën edhe më të vështirë ndjekjen e një kursi qeverisës.