Nënkryetari i Kuvendit nga ana e Partisë Demokratike, njëherësh nënkryetarë i kësaj force politike, Agron Gjekmarkaj, ka reaguar pas vendimit të Apelit të GJKKO, që ka rivendosur ndaj Berishës, një masë sigurie, edhe pse shkalla e parë i zhbëri ato. Nëpërmjet një postimi në rrjetet sociale, Gjekmarkaj shprehet se vendimi është marr për të ndihmuar mazhorancën në zgjedhjet e ardhshme. Një tjetër vendim absurd i Gjykatës së Posaçme ndaj Sali Berishës. Një përpjekje e pafshehur për tu bërë krah dhe bllok i vetëm me mazhorancën për zgjedhjet e ardhshme! Shqiptarët do të dinë ti japin përgjigje me 11 Maj kësaj sfide. Historia bashkëkohore ka dëshmuar që fitimi i betejave për Sali Berishën është thjeshtë çështje kohë! Ndërkohë lidhur me këtë vendim kanë reaguar edhe nënkryetari tjetër I PD, Luçano Boçi, I cili e konsideron drejtësinë si ‘Aneksi zgjedhor I PS’. “Drejtësia e pushtuar nga frika politike ndaj Sali Berishës e opozitës dhe e verbuar nga revanshi politik, është për një vend më destruktive se dhe vetë Kaosi. Njerëz mos besoni më vendimet e diktuara në zyra politike! Drejtësia sot është “afërmendsh” aneksi zgjedhor i PS. Apeli I GJKKO rikthye masën e parë për Berishën, atë të detyrimit për tu paraqitur 2 herë në muaj në SPAK.