Një delegacion i forcës politike të krahut të djathtë në Itali, Forza Italia ka vizituar qendrat e emigrantëve në Gjadër dhe Shëngjin. Anëtari I Parlamentit, Alessandro Battilocchio qe ishte pjesë e delegacionit, u shpreh se qendrat e emigrantëve në Shqipëri përfaqësojnë një element kyç të strategjisë së përgjithshme të qeverisë italiane për menaxhimin e flukseve të migracionit, brenda kuadrit të BE-së dhe ligjit ndërkombëtar. Sipas tij, duke u bazuar tek shifrat zyrtare, që tregojnë ulje drastike të mbërritjeve të parregullta në Itali, konfirmojnë se vendi, , një lojtar kryesor në Evropë, është në rrugën e duhur. Ngritja e dy qendrave është pjesë e marrëveshjes që u firmos mes Italisë dhe Shqipërisë në nëntor të vitit 2023, si një përpjekje për të frenuar migracionin. Italia, sipas marrëveshjes, financon të gjitha shërbimet e kujdesit spitalor, por edhe të pajisjeve, sikurse automjetet dhe karburantet si dhe pagesat për avokatë.