Komisionit Qeveritar për Persona të Zhdukur në Kosovë ka gjetur eshtra gjatë gërmimeve në fshatin Prekaz, të cilat besohet se mund t’u përkasin njerëzve të zhdukur gjatë luftës me Serbinë. Lajmin e dha vetë Komisioni Qeveritar nëpërmjet një postimi në rrjetet sociale, ku ndër të tjera theksoi se mbetjet janë gjetur në fshatin Prekaz, ku po zhvillohen gërmime në bashkëpunim me Institutin e Mjekësisë Ligjore dhe Drejtorinë e Policisë për Hetimn e Krimeve të Luftës. “Pas disa orë gërmimesh në fshatin Prekaz të Skënderajt, ekipet kan hasur dhe zhvarrosur mbetje mortore (eshtra) të viktimave që mund te jetë në Listën e Personave të Zhdukur. Gërmimet po vazhdojnë ende dhe në do t'iu njoftojmë pas rezultateteve të ADN-së për identifikimet e mundshme të këtyre trupave”, thuhet ndër të tjera në njoftimin e Komisionit Qeveritar për Persona të Zhdukur në Kosovë.