Mbetjet e eshtrave të gjetura në varret masive, gjatë gërmimeve në tre vendodhje në komunën e Zubin Potokut në veri të Kosovës, tashmë kanë hyrë në fazën e identifikimit. Kryeministri në detyrë I kosovës, Albin Kurti, ka bërë të ditur se gjatë gërmimeve në tre vendodhje në komunën e Zubin Potokut janë gjetur dhe zhvarrosur mbetje mortore që dyshohet se u përkasin së paku 23 personave. Sipas tij, në fshatin Kalludër, janë gjetur mbetje mortore që dyshohet se u përkasin 13 personave. në fshatin Jabukë, janë gjetur mbetje mortore që dyshohet se u përkasin së paku katër personave, ndërsa në një vendodhje të dytë, po në fhsatin Kalludër janë gjetur mbetje mortore të së paku gjashtë personave. Kurti tha se janë marrë dhe dërguar për analizë të ADN-së mostrat e mbetjeve. Kryeministri në deyrë ka deklaruar më herët se, numri 23 I eshtrave të gjetura, përkon me atë që njihet si “grupi i intelektualëve”, të cilët më 19 prill të vitit 1999 u ndaluan, u rrëmbyen dhe u pushkatuan nga forcat serbe, Sipas Kurtit, Serbia është përpjekur të fshehë dhe të zhdukë gjurmët e këtij krimi gjenocidi. procesi i identifikimit në tërësi është shprehur ai, mund të marrë edhe disa muaj kohë, dhe se vetëm atëherë do të mund të flasim me saktësi të plotë se për kë bëhet fjalë.