Qeveria shqiptare ka kaluar një fond për mbulimin e shpenzimeve të kurimit të aktorit Genc Fuga. Pas një goditje në tru, aktori Genc Fuga duhej t’i nënshtrohej urgjent një ndërhyrjeje kirurgjikale që i kushtoi 19 mijë euro në një spital privat. Lajmi u shpërnda me shpejtësi në media dhe rrjete sociale, ndërsa qeveria vendosi të paguante shpenzimet e ndërhyrjes. Familjarët e Fugës e kishin të pamundur të paguanin një shifër aq të lartë që nevojitej për mbulimin e operacionit. Të gjendur në këto kushte, bashkëshortja e Gencit, Eni Jani përmes rrjeteve sociale kërkoi ndihmë nga miqtë e tyre për kontribut monetar. Thirrjes së aktores i janë përgjigjur shumë artista dhe jo vetëm, duke mbledhur kështu shumën dhe duke bërë të mundur operimin e aktorit.