Mëngjesin e kësaj të enjteje, kanë mbërritur në portin e Durrësit me traget nga Bari trupat e katër anëtarëve të familjes Kola, të cilët gjetën vdekjen tragjikisht ne Itali nga rrjedhja e gazit në banesë. Arti Kola 48 vjec, Jonida Kola 44 vjeçe dhe fëmijët e tyre Hajdar Kola 23 vjec dhe Xhesika Kola 16 vjeç, do t’u jepet lamtumira e fundit në në fshatin Gryksh të Peqinit. Familjarët më të afërt, presin ngushëllimet për vdekjen tragjike të 4 personave nga e njëjta familje. Qindra shqiptarë u bashkuan në një dhurim parash në platformën GoFundMe për të bërë të mundur ardhjen e trupave në Shqipëri. Autoritetet italiane kryen analizat toksikologjike përpara se trupat të lejoheshin të transportoheshin drejt Shqipërisë. Shtëpia ku ndodhi ngjarja ishte në pronësi të Artit, të cilën ai e kishte blerë rreth tre vite më parë dhe e kishte rikonstruktuar pjesërisht vetë.