Tre adoleshentë humbën jetën të mërkurën në Francë pasi makina në të cilën ndodheshin doli nga rruga dhe ra në një pishinë private, tha një prokuror, në një rast që mund të lidhet me gazin që të bën të qeshësh. Makina u përplas me murin e banesës private, u përmbys dhe ra në pishinë me rrotat në ajër rreth orës 2:00 të mëngjesit, në qytetin jugor Ales, tha prokurori Abdelkrim Grini. Nuk ishte menjëherë e qartë se cili nga të rinjtë, të moshës 14, 15 dhe 19 vjeç, po drejtonte makinën. "Është vërtet kulmi i tmerrit," tha Grini. "Ata u gjendën përmbys në ujë të ngrirë dhe nuk mundën të dalin". Pronari i shtëpisë, një bukëpjekës, e zbuloi makinën pasi u kthye nga turni i tij i natës rreth orës 6:00 të mëngjesit, tha prokurori. Një burim policor i tha AFP-së se disa shishe me oksid azoti, ose "gazin që shkakton qeshje", u gjetën në makinë. Oksidi i azotit është një gaz pa ngjyrë që përdoret për lehtësimin e dhimbjeve në stomatologji dhe mjekësi.