Sulme të shumta ndërmori ushtria izraelite në qytetin jugor të rripit të Gazës, Han Junis. Të paktën më shumë se 50 civilë humbën jetën si pasojë e bombardimeve që vijuan deri në orët e para të mëngjesit të kësaj të enjteje. Kjo ishte nata e dytë radhazi që ushtria izraelite kryen bombardime të rënda në Gaza. Po ashtu autoritetet raportuan dhe për një tjetër sulm në veri të territorit ku dhe aty mbetën shumë viktima. Sulmet erdhën në një kohë kur presidenti I SHBA, Donald Trump ndodhet në Lindjen e Mesme ku ka planifikuar të vizitojë vendet e Gjirit por jo Izraelin. Një kameraman i Associated Press në Han Junis numëroi 10 sulme ajrore mbi këtë qytet gjatë natës deri në mëngjesin e së enjtes dhe pa shumë trupa të dërguar në morgun e spitalit Nasser. Morgu i spitalit konfirmoi se 54 njerëz u vrarë. Në mesin e të vdekurve është edhe një gazetar që punonte për rrjetin televiziv nga Katari. Ushtria izraelite nuk i ka komentuar këto sulme deri tani.