Një gazetar francez që punonte për agjencinë ndërkombëtare të lajmeve, AFP, u vra në një sulm me raketa pranë qytetit të Bakhmutit, në Ukrainën lindore, të martën. Arman Soldin, 32 vjec, ishte koordinator video i AFP në Ukrainë dhe u vra në një sulm me raketa në periferi të qytetit Chasiv Yar, afër Bakhmutit – njoftoi AFP në Tëitter, duke cituar kolegë që kishin qenë dëshmitarë në incident. “Ne jemi të shkatërruar nga lajmi i vdekjes së gazetarit të AFP Arman Soldin, në ukrainën lindore, sot”, tha AFP. “Ngushëllimet tona shkojnë sot për familjen dhe të dashurit e tij”. Soldin ishte bashkë me katër kolegë në kohën e sulmit, por gazetarët e tjerë nuk ishin lënduar. Ekipi i raportimit i ishte bashkuar ushtarëve ukrainas që u vendosën nën zjarr rreth orës 16.30 minuta të së martës, thotë AFP.