Në orët e ardhshme, Gaza do të jetë në pikën zero. Kështu deklaroi përfaqësuesi i Organizatës së Kombeve të Bashkuara për ndihmën e refugjatëve në Rripin e Gazës, Adnan Abu Hasna, duke zbuluar se njerëzit pop resin në radhë prej orës për të marrë një copë buke. Duke hedhur poshtë aludimet e ushtrisë izraelite se ndihmat humanitare po shkojnë për liderët e Hamasit, ai theksoi se nuk ka pasur grabitje të karburanteve dhe pajisjeve mjekësore dhe se gjithçka ka shkuar te partnerët e OKB-së në spitale”. Përfaqësuesi I OKB-së theksoi se në jug të Gazës kanë ardhur më shumë se një milionë njerëz, teksa kapacitetet strehuese janë për jo më shumë se 150 mijë. “Ata nuk kanë asgjë… ata thjesht kanë ardhur në jug vetëm me rrobat e tyre… Gjysma e tyre flenë brenda shkollave tona, por gjysmë milioni të mbetur janë në rrugë dhe flenë rreth strukturave tona. Jeta në Rafat po merr fund”, u shpreh ai.